नेता जी - कविता

चल्न थाल्यो देशभक्तिका गाईगुँई कुरा अब ।

छिमेकीले धसेपछी घातैघातका छुरा जब ।।

स्वाभिमान नै दाउमा राखी , मिठा कुरा गर्थ्यौ धेरै ।

लम्पसार हात पारी , भोक - नोट भर्थ्यौ धेरै ।।

नेताजीका कुरा हुन यी , हामी जनता को नैँ हौँ र ।

बेचिन्छन नाम हाम्रा , नाङ्गिएका हामी छौँ र ।।

भयो अब कुरा नगर , भाषण सुनियो तिम्रा धेरै ।

देशभक्तिको नारा सबै , बुझियो शाषण आउँदा तिम्रै।।

चिल्ला कार चढ्ने तिमी , हिजो थोत्रे साईकल चढ्थ्यौ ।

गरिब-दुखी भेला पारी , सर्वहारा कुरा गर्थ्यौ ।।

चल्न थाल्यो देशभक्तिका गाईगुँई कुरा अब ।

छिमेकीले धसेपछी घातैघातका छुरा जब ।।